श्री ज्ञानेश्वरांची आरती

जय देव जय देव श्री ज्ञानेश्वर ।

योग्यांची माउली, भक्तांची सावली, देव साकार ॥ 

जय देव जय देव ॥धृ॥

भक्तीचा कैलास, ज्ञानसागर । 

ज्ञानेश्वर माझा प्रेमपाखर ।

ज्याला त्याला वाटे अपुला आधार । 

नाही झाली असली माउली थोर ॥१॥

जाणतअसुनी गीता वेदार्थ सगळा ।

वंचित जीवांसाठी जीव कळवळला ।

ज्ञान सोपे करुनी अनुभवही दिधला । 

पसायदाने जीव शांत हा केला ॥२॥

धाक वेदज्ञांना, पाखंडी जना । 

अव्यक्ताची सत्ता दावी सर्वांना ।

देवमार्गी कोणी मोठा ना साना ।

दिंडीने विठ्ठल भेटे सर्वांना ॥३॥

साहुनी दु:ख, बोल अज्ञ जीवांचे । 

हरिपाठे कल्याण केले सर्वांचे ।

ज्ञानेश्वरी अमृत अपुल्या भाषेचे । 

भाग्य दीना कळु दे काय हे अमुचे ॥४॥