साद घालितो सत्संगा

साद घालितो सत्संगा

उद्धरी भवभयभंगा, तारी रे ॥धृ॥

थोर भाग्य माझे, नष्ट भ्रमाचे ओझे ।

बेगडी असंगाचे, फोलपण दावीशी गा ॥१॥

संग मागे मन, संग मागे तन ।

तुझ्या संगे समाधान, खरे अनुभवले गा ॥२॥

कैसे ते कळेना, मन हे सोडीना ।

सदा तूचि ध्याना, अता कसा येशी गा ॥३॥

तुज प्रगटाया पाही, पानेफुले काही घेई ।

जनावचनातुनि येई, परि भेट देई गा ॥४॥

सदा उठोनिया रोज, वाटे आळवावे तुज ।

दीन म्हणे मज, सदा कसा भेटशी गा ॥५॥