श्री निंबरगी महाराज आरती

जय जय जय गुरुलिंगजंगमा, काडसिद्धप्रेमा |

निंबरगींना ओवाळूया निर्गुणसुखधामा ||धृ||

काडसिद्धआज्ञेने छत्तिस वर्षे तप केले |

हरिहर अनुभव आत्मारामी तादात्म्ये आले |

कर्मकांड अवडंबर टाकुनि खरे पुण्य केले |

भ्रमितांना जागवुनी शाश्वत आत्मज्ञान दिले ||१||

साधुबुवा, उमदीकर अगणित शिष्य सिद्ध केले |

गणपतिवदनी ‘पंचसमासी’ सार तुम्ही दिधले |

अंबुराव, गुरुदेवांकरवी नाम जगी नेले |

कितीक दीनजिवांना जन्मोजन्मी सावरिले ||२||