श्री गजानन महाराजांची आरती

शेगावीच्या गजानना, जय गजानना ।

घेण्या आरति या सदना ॥धृ॥

अपूर्व तुम्ही योगिजन ।

स्वानंदी नित रममाण ।

देहा धरिता अवतरुन ।

भक्तांसाठी तळमळुन ।

हित करण्यासी कळवळुन ॥१॥

अन्नजलाचे महिमान ।

गेलो होतो विसरून ।

धनमदपैशाला भुलुन ।

गेलो देवा विसरून ।

आम्हा दिधले जाणवुन ॥२॥

दांभिक, स्वार्थी खडबडुन ।

जागे केले शिकवून ।

निजसामर्थ्या दाखवुन ।

सर्वांभूती देवपण ।

भक्तीचे लाभे वळण ॥३॥

कली पुन्हा ये भयंकर ।

भूल घालितो जगावर ।

देवाचा पाडी विसर ।

दीनजनांना अभयवर ।

देण्या या हो घरोघर ॥४॥