श्री गणोरे बाबांची आरती

प्रेमनिधी श्री संत गणोरे बाबांना आरती ।

जय जय बाबांना आरती ।। धृ ।।

देशकारणी देह झिजविला ।

परकी सत्तेसवे झुंजला ।

‘त्यागी’ म्हणुनी कीर्ति पावला ।

स्वातंत्र्याचा सूर्य उगवता, देवमार्ग धरिती ।। १ ।। जय जय बाबांना...

सीतामाई पतीपरायण ।

श्रमा, साधना साथ विलक्षण ।

बाबा झाले देवा अर्पण ।

माघ शुद्ध दशमीला तुकया, वरदहस्त ठेविती ।। २ ।। जय जय बाबांना...

ओंकाराचे रहस्य हाती ।

साक्षात्कारी बाबा देती ।

भुकूम मठ प्रेरणा निर्मिती ।

हरीरामविठ्ठल या नामे, दीनजिवां तारिती ।। ३ ।। जय जय बाबांना...