माझ्यापुरते किमान वृत्त्यंतर

(वृत्त्यंतर महत्त्वाचे असले तरी त्याची

व्याप्ती खूप मोठी असल्याने त्या

कामाचे थोडेथोडे, शक्य होण्यासारखे

भाग पाडून ते करू शकल्यास पूर्ण

वृत्त्यंतराकडे जाणे शक्य होईल.

म्हणून ही किमान वृत्त्यंतराची

प्रेरणा आपल्याला देणारी प्रार्थना

रोज म्हणणे, तिचे चिंतन व प्रयोग

करीत राहाणे साधकांस उपयुक्त ठरेल.)

श्रींचे निरूपण असो अथवा चरित्र।

सारात सार करणे चित्ता पवित्र।।

नामात राहुन सदा मन पालटावे।

वृत्त्यंतरात अवघे परमार्थ यावे ।।१।।

वाटे पवित्रपण हे मजला जमावे।

या जन्मि साध्य करुनी श्रीरूप व्हावे।।

कैसे विशालपण परि मजला जमेल।

सर्वत्र वृत्ति जपणे मज ना जमेल ।।२।।

वृत्त्यंतरात अवघे जरि सार असले।

या रागलोभअसुये पुढती न चाले।।

म्हणुनी निदान असता मी साधकांत।

वृत्तिप्रयोग करणे मज साधुदेत ।।३।।