गुरु भजनावीण तरेना

भवसागर उतरेना, प्राणी

गुरु भजनावीण तरेना ॥धृ॥

आगम निगम सर्वहि शिकला ।

विद्येमध्ये प्रवीण झाला ॥

परि भवसागर तरेना...प्राणी

सर्व कला त्या अवगत त्याला ।

तीर्थे सर्वहि फिरोनि आला ॥ परि..

वेदान्तीही म्हणति तयाला ।

प्रसंग ओळखी झाली त्याला ॥ परि..

जावे तिकडे वंदिती ज्याला ।

लोकी धन्य धन्य गाईला ।

व्यर्थ होउनि शहाणा ॥१॥

राम कृष्णादि तत्पर गुरु भजनाला ।

तू भजसीना जरी तयाला ॥ व्यर्थ..

अंती कोण रे सोडवि तुजला ।

माय बहिणीचा व्यर्थ गलबला ॥

सोडविता कोणी दिसेना ॥

दादा बापू पाही मढ्याला ।

काळ लावील फांस तुजला ।

सोडविता कोणी दिसेना ॥२॥