घर प्रारब्ध सुखे भोगी

घर प्रारब्ध सुखे भोगी ।

तोचि जाणा उत्तम योगी ॥१॥

काही वेळ शरीर संपत्ती ।

कधी भरली रक्तपिती ॥२॥

काही वेळा विपुल धन ।

कधी कवडी नाही एक कण ॥३॥

काही काळ आप्त गोत ।

कधी एकलाचि राहात ॥४॥

कधी मिळे मंदिर माडी ।

कधी न मिळे हो झोपडी ॥५॥

काही वेळा दारा पुत्र आज्ञा पाळी ।

कधी देती शिव्यागाळी ॥६॥

कधी मिळे पालखी हत्ती घोडा ।

कधी न मिळे तुटका जोडा ॥७॥

काही वेळा हुकुम सत्ता ।

कधी लोक मारिती लाथा ॥८॥

कधी मिळे मिष्टान्न भोजन ।

कधी न मिळे भाजीपान ॥९॥

दास म्हणे सर्व काळ सारिखा राही ।

तोचि परमार्थी झाला पाही ॥१०॥