आता तरी सावधान

आता तरी सावधान ।

अर्थीं घालावे मन ।

आपुले समाधान ।

तेचि करावे साधन ॥धृ॥

प्रपंचा लाथलावे ।

आधी विद्यावंत व्हावे ।

उदंडचि मेळवावे ।

मग सुखे भोगावे ॥१॥

आधी कष्ट मग फळ ।

ऐसे बोलती सकळ ।

कष्टे ना येक पळ ।

तेणे होय ओंगळ ॥२॥

जिणे दो दिसांचे ।

तेणे माणुस काचे ।

जाणते सगुणाचे ।

ऐसे मिळेल कैचे ॥३॥

आपण सुखी होती ।

लोक सुखी करिती ।

ऐसी हे शुद्ध मती ।

तेणे पावती गती ॥४॥

इहलोक, परलोक ।

सर्व करावे सार्थक ।

लोकांमध्ये अलौकिक ।

ऐसा करावा विवेक ॥५॥

विचाराची शुद्धि ऐसी ।

सुखी करावे सर्वांसी ।

स्त्रीपुरुष दासदासी ।

अवघी करावी विलासी ॥६॥

दास म्हणे ऐसा व्हावा ।

सुखे संसार करावा ।

काहीच नाही गोवा ।

पंथ देवाचा धरावा ॥७॥