जग हा प्रभुसत्ता दरबार

जग हा प्रभुसत्ता दरबार ||

ज्याचा त्याला न्याय तसा प्रभू ,

कण तोलून करणार || धृ||

वाटे राजा, कसा रंक कुणि |

दुर्दैवी वा भाग्यवंत कुणि |

प्रभूसत्तेने फळे तयांना |

जशी तशी मिळणार ||१||

कर्म येतसे फळ घेवोनी |

कधि जन्मांतरि येते उगवुनि |

काळ फळाचा कधीहि येवो |

न्याय अचूक होणार ||२||

स्वार्थ, असत्ये नटती जगती |

जन पैशाला कितीक भुलती |

असत्य वाटा अंती जगती |

जन्म विफळ करणार ||३||

सत्कर्मांची वाट प्रभूची |

दुर्गम वाटे तरी सत्याची |

दीन चालला मनी धरोनी |

सत्य तेच तरणार ||४||