प्रेमनिधी संत सीतामाईंची आरती

सीतामाई आई गाऊ आरती ।

धन्य तुमची भक्ती वाटे या जगती ॥धृ॥

माहेर भक्तीचे धन्य कुळ वारे ।

बाळपण प्रेम-कष्टांचे सारे ।

पतिदेव श्रीराम कुळ गणोरे ।

त्यांच्या रूपे देव झाले सोयरे ॥१॥

बाबांसंगे देशभक्ती आचरिली ।

कष्टांची कावड प्रेमे वाहिली ।

बाबांना प्रेरणा देवाची झाली ।

पातिव्रत्ये साथ त्यातही दिधली ॥२॥

साक्षात्कारे धन्य बाबा जाहले ।

अध्यात्माचे धन आईंना दिधले ।

भक्तीव्रत तुम्ही पुढती चालविले ।

भक्तांना आदर्श जीवन झाले ॥३॥

आदर्शाची कीर्ती लेकरे गाती ।

कर्तव्य, नामाची प्रेरणा घेती ।

पंढरी भुकूम गाई आरती ।

तरण्या दीनभक्त चरणी लागती ॥४॥