कृतीकौशल्य

( अनेक कर्मे करूनही आपल्या प्रमाणे कर्मांत 

बद्ध न होता, जे लोक उलट कर्मांनंतर मुक्त होतात,

त्यांच्या कर्मे करण्यात काही कौशल्य असते हे नक्की.

त्याची जाणीव व्हावी, त्यांच्याबद्दल आदर असावा व

त्यांच्याकडून काही शिकता यावे - या कामी या

श्लोकाचा उपयोग होऊ शकेल.)

ज्यांच्या कृतींत असते, कौशल्य काही ।

कर्में करून अवघी, ते मुक्त पाही ॥

निर्लिप्त राहुन सदा, अर्पून कर्मे ।

ते जीव थोर जगि जे, जगती स्वधर्मे ॥