श्री कलावती आईंची आरती

ओवाळू कलावती माता ।

जय जय कलावती माता ॥धृ॥

संसाराचे रूप जाणिले ।

मायेसंगे दुःख ठेविले ।

नातीगोती, मुलां त्यागिले ।

हरि धरुनी चित्ता ॥१॥ ओवाळू...

विशीत अवघ्या येत विरक्ती ।

निंदेने कधि ढळे न शांती ।

तीव्र ओढिने सद्गुरुप्राप्ती ।

नामी एकाग्रता ॥२॥ ओवाळू...

प्रयाण केले गुरुआज्ञेने ।

भक्तिमान जन होत कीर्तने ।

नास्तिक अगणित आस्तिक भजने ।

जपली निरपेक्षता ॥३॥ओवाळू...

बालांमध्ये भक्ति रुजविली ।

थोरांचीही वृत्ति बदलली ।

दीनजिवांना माय लाभली ।

शाश्वत ही सत्ता ॥४॥ ओवाळू...